mire hamraah kyuun vo shakhs chalnaa chaahtaa hai — Saleem Sarfaraz

ye kin tishna-labon ki fauj guzri hai idhar se
kahin kuchh kam kahin puuri nadi gum ho gai hai

— Saleem Sarfaraz

sabhi khush hain ki saare gum-shuda phir mil gae hain
mujhe gham hai ki ab teri kami gum ho gai hai

— Saleem Sarfaraz

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yuun to maujud apne ghar mein hai
aadmi mustaqil safar mein hai

— Saleem Amrohvi