hudud-e-jism se aage baDhe to ye dekhaa — Shaukat Pardesi

un ki nigaah-e-naaz ki gardish ke saath saath
mahsus ye huaa ki zamaana badal gayaa

us ki hansi tum kyaa samjho
vo jo pahron royaa hai

ai inqalaab-e-nau tiri raftaar dekh kar
khud ham bhi sochte hain ki ab tak kahaan rahe

sharik-e-dard nahin jab koi to ai 'shaukat'
khud apni zaat ki bechaargi ghanimat hai

apne paraae thak gae kah kar har koshish bekaar rahi
vaqt ki baat samajh mein aai vaqt hi ke samjhaane se

ye kaisi be-qaraari sunne vaalon ke dilon mein hai
varaq dohraa rahaa hai kyaa koi meri kahaani kaa