un ki nigaah-e-naaz ki gardish ke saath saath — Shaukat Pardesi

ye kaisi be-qaraari sunne vaalon ke dilon mein hai
varaq dohraa rahaa hai kyaa koi meri kahaani kaa

us ki hansi tum kyaa samjho
vo jo pahron royaa hai

ai inqalaab-e-nau tiri raftaar dekh kar
khud ham bhi sochte hain ki ab tak kahaan rahe

sharik-e-dard nahin jab koi to ai 'shaukat'
khud apni zaat ki bechaargi ghanimat hai

apne paraae thak gae kah kar har koshish bekaar rahi
vaqt ki baat samajh mein aai vaqt hi ke samjhaane se

hudud-e-jism se aage baDhe to ye dekhaa
ki tishnagi thi barahna tiri adaaon tak

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

khaak-daan mein rahtaa hai
dil bhi ik qalandar hai

vo gham ataa kiyaa dil-e-divaana jal gayaa
aisi bhi kyaa sharaab ki paimaana jal gayaa

raqs kartaa rahaa dil khuub dhaDaktaa rahaa dil
haan yahi dil jise bimaar samajhte rahe ham

ik shahr hamaare dil mein hai ik shahr hamaari aankhon mein
ik mahv-e-tamaashaa rahtaa hai ik rahtaa hai naadaani mein