ye kaisi be-qaraari sunne vaalon ke dilon mein hai — Shaukat Pardesi

un ki nigaah-e-naaz ki gardish ke saath saath
mahsus ye huaa ki zamaana badal gayaa

us ki hansi tum kyaa samjho
vo jo pahron royaa hai

ai inqalaab-e-nau tiri raftaar dekh kar
khud ham bhi sochte hain ki ab tak kahaan rahe

sharik-e-dard nahin jab koi to ai 'shaukat'
khud apni zaat ki bechaargi ghanimat hai

apne paraae thak gae kah kar har koshish bekaar rahi
vaqt ki baat samajh mein aai vaqt hi ke samjhaane se

hudud-e-jism se aage baDhe to ye dekhaa
ki tishnagi thi barahna tiri adaaon tak

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

aise musaafiraan-e-adam tang-dil gae
munh bhi kiyaa na aalam-e-ijaad ki taraf

is qadar royaa huun teri yaad mein
aaine aankhon ke dhundle ho gae

havaa bhi chal rahi hai aur jaagti hai raat bhi
jo aap kuchh kahein to ham sunaaein dil ki baat bhi

faqir log rahe apne apne haal mein mast
nahin to shahr kaa naqsha badal chukaa hotaa