ghair se kiyaa gila kare koi — Shifa Kajgavnwi

dekho na zaat paat na naam-o-nasab 'shifaa'
par dost jab banaao to kirdaar dekh kar

— Shifa Kajgavnwi

bachpan mein shauq se jo gharaunde banaae the
ik huuk si uThi unhein mismaar dekh kar

— Shifa Kajgavnwi

ek parda saa hai fareb-e-nazar
ye bhi uTThe to dekhnaa kyaa hai

— Soz Hoshiarpuri

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

kuchh to majburiyaan rahi hongi
yuun koi bevafaa nahin hotaa

— Bashir Badr

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

yaar main itnaa bhukaa huun
dhokaa bhi khaa letaa huun

— Aks Samastipuri

'hasrat' jo sun rahe hain vo ahl-e-vafaa kaa haal
is mein bhi kuchh fareb tiri daastaan ke hain

— Hasrat Mohani