yaar main itnaa bhukaa huun — Aks Samastipuri

bik jaataa huun haathon-haath
had se ziyaada sastaa huun

ek rishta jise main de na sakaa koi naam
ek rishta jise taa-umr nibhaae rakkhaa

kaise tum bhuul gae ho mujhe aasaani se
ishq mein kuchh bhi to aasaan nahin hotaa hai

bas isi ummid pe hotaa gayaa barbaad main
gar kabhi bikhraa to aa kar tu sambhaalegaa mujhe

tu sirf meri hai us kaa ghurur hai mujh ko
agar ye vahm meraa hai to koi baat nahin

thaa mujhe vahm-o-gumaan ki vo faqat meri hai
aur us ne bhi bharam meraa banaae rakkhaa

jab ki pahlu se yaar uThtaa hai
dard be-ikhtiyaar uThtaa hai

shab-e-firaaq kuchh aisaa khayaal-e-yaar rahaa
ki raat bhar dil-e-gham-dida be-qaraar rahaa

jab vaqt paDaa thaa to jo kuchh ham ne kiyaa thaa
samjhe the vahi yaar hamaaraa bhi karegaa

ab na koi manzil hai aur na rahguzar koi
jaane qaafila bhaTke ab kahaan kahaan yaaro

vo qaht-e-mukhlisi hai ki yaaron ki bazm se
ghibat nikaal dein to faqat khaamushi bache

ye kaarobaar bhi kab raas aayaa
khasaare mein rahe ham pyaar kar ke