ek parda saa hai fareb-e-nazar — Soz Hoshiarpuri

pas-e-murdan bhi musht-e-khaak mein kaisi ye vahshat hai
uThaa karti hai aandhi ban ke khaak-e-raaegaan meri

dil-e-haris hi apnaa na ho sakaa qaane
vagarna tere karam mein to kuchh kami na rahi

piine ko yuun to shaikh bhi tayyaar hain magar
kahte hain shart ye hai girah se na zar khule

jise samjhaa hai tu ai sang-dil mai-khvaariyaan meri
tire khalvat-kade mein hain vo shab-bedaariyaan meri

dil miraa dard ke sivaa kyaa hai
ibtidaa ye to intihaa kyaa hai

main ne har takhrib mein dekhi hai ik taamir bhi
meraa miT jaanaa bhi hai himmat-fazaa mere liye

yaar main itnaa bhukaa huun
dhokaa bhi khaa letaa huun

mohabbaton ke kai rang ruup hote hain
fareb-e-yaar se koi gila nahin karte

dil-o-nazar ko abhi tak vo de rahe hain fareb
tasavvuraat-e-kuhan ke qadim but-khaane

khudi se pyaar karo aur khudaa ke saath raho
ye tum se kis ne kahaa bevafaa ke saath raho

ye husn-e-dil-fareb ye aalam shabaab kaa
goyaa chhalak rahaa hai piyaala sharaab kaa

ai mujh ko fareb dene vaale
main tujh pe yaqin kar chukaa huun