tere khush-posh faqiron se vo milte to sahi — Syed Aabid Ali Aabid

unhin ko arz-e-vafaa kaa thaa ishtiyaaq bahut
unhin ko arz-e-vafaa naa-gavaar guzri hai

— Syed Aabid Ali Aabid

gham ke taarik ufuq par 'aabid'
kuchh sitaare sar-e-mizhgaan guzre

— Syed Aabid Ali Aabid

shara-o-aain ki taazir ke baa-vasf shabaab
lab-o-rukhsaar ki jaanib nigaraan hai ki jo thaa

— Syed Aabid Ali Aabid

subu uThaa ki ye naazuk maqaam hai saaqi
na ahrman hai na yazdaan hai dekhiye kyaa ho

— Syed Aabid Ali Aabid

ik din us ne nain milaa ke sharmaa ke mukh moDaa thaa
tab se sundar sundar sapne man ko ghere phirte hain

— Syed Aabid Ali Aabid

meraa jiinaa hai sej kaanTon ki
un ke marne kaa naam taaj-mahal

— Syed Aabid Ali Aabid

mandir gae masjid gae piron faqiron se mile
ik us ko paane ke liye kyaa kyaa kiyaa kyaa kyaa huaa

— Bashir Badr

na durveshon kaa khirqa chaahiye na taaj-e-shaahaanaa
mujhe to hosh de itnaa rahun main tujh pe divaanaa

— Bahadur Shah Zafar

sulagti dhuup mein jal kar faqir-e-shab tiri khaak
kyuun khaan-qaah-e-shab-e-be-karaan main baiTh gai

— Moid Rasheedi

kisi darvesh ke hujre se abhi aayaa huun
so tire hukm ki taamil nahin karni mujhe

— Ahmad Khayal

ham faqiron mein raaja ki chauki chaDhe kaahinon mein payambar pukaare gae
din nikalne kaa bhi vaaqia hai koi yaa abhi tak dhari ki dhari raat hai

— Ahmad Jahangir

tamannaa dard-e-dil ki ho to kar khidmat faqiron ki
nahin miltaa ye gauhar baadshaahon ke khazinon mein

— Allama Iqbal