mandir gae masjid gae piron faqiron se mile — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

tere haathon mile agar murshid
chaae piinaa savaab lagtaa hai

sunte hain ishq naam ke guzre hain ik buzurg
ham log bhi faqir usi silsile ke hain

tamannaa dard-e-dil ki ho to kar khidmat faqiron ki
nahin miltaa ye gauhar baadshaahon ke khazinon mein

hakim o aarif o suufi tamaam mast-e-zahur
kise khabar ki tajalli hai ain-e-masturi

sajda huaa hamesha faqiron ke ilm par
ham aagahi pe marte hain poshaak par nahin

vaan laal phaDaktaa hai amiron ke qafas mein
yaan faakhta haq-go hai faqiron ke qafas mein