subu uThaa ki ye naazuk maqaam hai saaqi — Syed Aabid Ali Aabid

unhin ko arz-e-vafaa kaa thaa ishtiyaaq bahut
unhin ko arz-e-vafaa naa-gavaar guzri hai

gham ke taarik ufuq par 'aabid'
kuchh sitaare sar-e-mizhgaan guzre

shara-o-aain ki taazir ke baa-vasf shabaab
lab-o-rukhsaar ki jaanib nigaraan hai ki jo thaa

ik din us ne nain milaa ke sharmaa ke mukh moDaa thaa
tab se sundar sundar sapne man ko ghere phirte hain

kuchh ehtiraam bhi kar gham ki vaza-daari kaa
giraan hai arz-e-tamannaa to baar baar na kar

meraa jiinaa hai sej kaanTon ki
un ke marne kaa naam taaj-mahal

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main kyuun karun kisi ko makin-e-makaan-e-dil
main kyuun kahun kisi se ki tu ghar miraa bigaaD

khum mein subu mein jaam mein niyyat lagi rahi
mai-khaane hi mein ham rahe mai-khaana chhoD kar

pahle sharaab ziist thi ab ziist hai sharaab
koi pilaa rahaa hai piye jaa rahaa huun main

tere nisaar saaqiyaa jitni piyun pilaae jaa
mast nazar kaa vaasta mast mujhe banaae jaa