Syed Aabid Ali Aabid

dam-e-rukhsat vo chup rahe 'abid'
aankh men phailta gaya kajal

ai iltifat-e-yar mujhe sochne to de
marne ka hai maqam ya jiine ka mahal

ya kabhi ashiqi ka khel na khel
ya agar maat ho to haath na mal

tere khush-posh faqiron se vo milte to sahi
jo ye kahte hain vafa pairhan-e-chak men hai

ik din us ne nain mila ke sharma ke mukh moDa tha
tab se sundar sundar sapne man ko ghere phirte hain

mujhe dhoka hua ki jaadu hai
paaon bajte hain tere bin chhagal

unhin ko arz-e-vafaa kaa thaa ishtiyaaq bahut
unhin ko arz-e-vafaa naa-gavaar guzri hai

gham ke taarik ufuq par 'aabid'
kuchh sitaare sar-e-mizhgaan guzre

shara-o-aain ki taazir ke baa-vasf shabaab
lab-o-rukhsaar ki jaanib nigaraan hai ki jo thaa

subu uThaa ki ye naazuk maqaam hai saaqi
na ahrman hai na yazdaan hai dekhiye kyaa ho

ik din us ne nain milaa ke sharmaa ke mukh moDaa thaa
tab se sundar sundar sapne man ko ghere phirte hain

meraa jiinaa hai sej kaanTon ki
un ke marne kaa naam taaj-mahal