main tahayya kar ke baiThaa thaa ki duniyaa chhoD duun — Syed Huzaifa Kaif

naasehaa puchhte phirte hain sabab uljhan kaa
'ishq gar khud ye karein hosh Thikaane lag jaaein

gar nahin ye 'ishq to phir aur kyaa shai hai bhalaa
jo pas-e-parda rahe aur qalb meraa khaae hai

main tumhein paa na sakun tum mujhe apnaa na sako
phir yahi khel miri jaan dubaara ho jaae

us ki hi mohabbat mein gire dost ki jis se
ham baat talak karne ko tayyaar nahin the

jin se khud aap sanbhaalaa nahin jaataa khud ko
un kaa daa'vaa hai ki vo aa ke sanbhaaleinge mujhe

'kaif' kahte hain naaseh ki tanhaa raho
main khudaa to nahin huun jo yaktaa rahun