jin se khud aap sanbhaalaa nahin jaataa khud ko — Syed Huzaifa Kaif

naasehaa puchhte phirte hain sabab uljhan kaa
'ishq gar khud ye karein hosh Thikaane lag jaaein

gar nahin ye 'ishq to phir aur kyaa shai hai bhalaa
jo pas-e-parda rahe aur qalb meraa khaae hai

main tumhein paa na sakun tum mujhe apnaa na sako
phir yahi khel miri jaan dubaara ho jaae

us ki hi mohabbat mein gire dost ki jis se
ham baat talak karne ko tayyaar nahin the

main tahayya kar ke baiThaa thaa ki duniyaa chhoD duun
koi koyal 'ain us mauqa' pe gaane aa gai

'kaif' kahte hain naaseh ki tanhaa raho
main khudaa to nahin huun jo yaktaa rahun

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

na jaanaa ki duniyaa se jaataa hai koi
bahut der ki mehrbaan aate aate

maanaa ki is zamin ko na gulzaar kar sake
kuchh khaar kam to kar gae guzre jidhar se ham

main tujhe bhuul na paayaa to ye chaahat hai miri
yaad rakkhaa hai jo tu ne tiraa ehsaan jaanaan