khabar kar de koi us be-khabar ko — Syeda Arshia Haq

tum bhi aakhir ho mard kyaa jaano
ek aurat kaa dard kyaa jaano

to kyaa huaa jo janmi thi pardes mein kabhi
beTi hai 'arshiya' bhi to hindostaan ki

tumhaaraa roz jo main sarf karti rahti huun
tumhein gumaan na ho tum miri mohabbat ho

'arshiyaa-haq' ke parastaaron mein ho
tum bhi kaafir ho gunahgaaron mein ho

sab yahaan 'jaun' ke divaane hain
'haq' kaho kaun tum ko chaahegaa

main khud pe zabt khoti jaa rahi huun
judaai kyaa sitam-aalud shai hai