to kyaa huaa jo janmi thi pardes mein kabhi — Syeda Arshia Haq

tum bhi aakhir ho mard kyaa jaano
ek aurat kaa dard kyaa jaano

tumhaaraa roz jo main sarf karti rahti huun
tumhein gumaan na ho tum miri mohabbat ho

khabar kar de koi us be-khabar ko
miri haalat bigaDti jaa rahi hai

'arshiyaa-haq' ke parastaaron mein ho
tum bhi kaafir ho gunahgaaron mein ho

sab yahaan 'jaun' ke divaane hain
'haq' kaho kaun tum ko chaahegaa

main khud pe zabt khoti jaa rahi huun
judaai kyaa sitam-aalud shai hai

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

barseingi aaj rahmatein aamad hai yaar ki
naayaab hain ye ghaDiyaan tire intizaar ki

jo ghair the vo isi baat par hamaare hue
ki ham se dost bahut be-khabar hamaare hue