'arshiyaa-haq' ke parastaaron mein ho — Syeda Arshia Haq

tum bhi aakhir ho mard kyaa jaano
ek aurat kaa dard kyaa jaano

to kyaa huaa jo janmi thi pardes mein kabhi
beTi hai 'arshiya' bhi to hindostaan ki

tumhaaraa roz jo main sarf karti rahti huun
tumhein gumaan na ho tum miri mohabbat ho

khabar kar de koi us be-khabar ko
miri haalat bigaDti jaa rahi hai

sab yahaan 'jaun' ke divaane hain
'haq' kaho kaun tum ko chaahegaa

main khud pe zabt khoti jaa rahi huun
judaai kyaa sitam-aalud shai hai

buland naam na hogaa sitam-shiaari se
tum aasmaan na ho jaaoge sataa ke mujhe

'jamaal' har shahr se hai pyaaraa vo shahr mujh ko
jahaan se dekhaa thaa pahli baar aasmaan main ne

chale the jis ki taraf vo nishaan khatm huaa
safar adhuraa rahaa aasmaan khatm huaa

apni qismat kaa bulandi pe sitaara dekhun
zulmat-e-shab mein yahi ek nazaara dekhun

mahakte phuul sitaare damaktaa chaand dhanak
tire jamaal se kitnon ne istifaada kyaa

main ne karni hai sitaaron se koi raaz ki baat
abhi kuchh aur mire qad ko baDhaayaa jaae