apni tasvir chuum li us ne — Tauheed Zeb

ek hi din milaa mohabbat ko
saal bhar ki thakan utaari gai

— Tauheed Zeb

daftar-e-husn khole baiThe hain
'aashiqi rozgaar hai un kaa

— Tauheed Zeb

kyaa huaa husn-e-jaavedaan ko tire
tu to mujh se bichhaD ke khush thi bahut

— Tauheed Zeb

rumuz-e-vaqt ki pahli class mein bhi miraa
tamaam dhyaan thaa sarkaari naukri ki taraf

— Tauheed Zeb

haiat se maavaraa hai lisaani jamaaliyaat
paani kaa asl zaaiqa zer-e-namak to hai

— Tauheed Zeb

dhokaa khaane pe ro paDaa hogaa
ye koi 'ishq mein nayaa hogaa

— Tauheed Zeb

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

gulaabon ke honTon pe lab rakh rahaa huun
use der tak sochnaa chaahtaa huun

— Zubair Rizvi