daftar-e-husn khole baiThe hain — Tauheed Zeb

apni tasvir chuum li us ne
phuul par phuul khil gayaa jaise

ek hi din milaa mohabbat ko
saal bhar ki thakan utaari gai

kyaa huaa husn-e-jaavedaan ko tire
tu to mujh se bichhaD ke khush thi bahut

rumuz-e-vaqt ki pahli class mein bhi miraa
tamaam dhyaan thaa sarkaari naukri ki taraf

haiat se maavaraa hai lisaani jamaaliyaat
paani kaa asl zaaiqa zer-e-namak to hai

dhokaa khaane pe ro paDaa hogaa
ye koi 'ishq mein nayaa hogaa

husn jalva dikhaa gayaa apnaa
ishq baiThaa rahaa udaas kahin

kaam the ishq mein bahut par 'mir'
ham hi faarigh hue shitaabi se

sach bataa ishq mujhe sakht pareshaan huun main
kyuun khafaa hotaa nahin dost khataa par meri

harf aane na diyaa ishq ki khuddaari par
kaam naakaam tamannaa se liyaa hai main ne

chuTkiyaan dil mein mire lene lagaa naakhun-e-ishq
gul-badan dekh ke us gul kaa badan yaad aayaa

ifshaa-e-raaz-e-ishq mein go zillatein huiin
lekin use jataa to diyaa jaan to gayaa