ek hi din milaa mohabbat ko — Tauheed Zeb

apni tasvir chuum li us ne
phuul par phuul khil gayaa jaise

daftar-e-husn khole baiThe hain
'aashiqi rozgaar hai un kaa

kyaa huaa husn-e-jaavedaan ko tire
tu to mujh se bichhaD ke khush thi bahut

rumuz-e-vaqt ki pahli class mein bhi miraa
tamaam dhyaan thaa sarkaari naukri ki taraf

haiat se maavaraa hai lisaani jamaaliyaat
paani kaa asl zaaiqa zer-e-namak to hai

dhokaa khaane pe ro paDaa hogaa
ye koi 'ishq mein nayaa hogaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

khaae so pachhtaae aur pachhtaae vo bhi jo na khaae
ye gham-e-ishq-e-butaan laDDu hai goyaa bor kaa

puchho na kuchh sabab mire haal-e-tabaah kaa
ulfat kaa ye samar hai natija hai chaah kaa

jis ghaDi ghurte ho ghussa se
nikle paDtaa hai pyaar aankhon mein

yuun mohabbat se jo chaahe koi apnaa kar le
jo hamaaraa na ho us ke kahin ham hote hain