Tauheed Zeb

daftar-e-husn khole baiThe hain
'ashiqi rozgar hai un ka

shu'uri tajrabe se din guzarne vaale
'ajib log hain naqlen utarne vaale

dekhiye meri 'umr hi kya hai
un ki khush-bu se main javan hua

ek hi din mila mohabbat ko
saal bhar ki thakan utari ga.i

kisi mushkil ghaDi men ham tumhara saath chhoDenge
tumhen ma'lum ho jaa.e bashar kya hai khuda kya hai

dhoka khane pe ro paDa hoga
ye koi 'ishq men naya hoga

apni tasvir chuum li us ne
phuul par phuul khil gayaa jaise

ek hi din milaa mohabbat ko
saal bhar ki thakan utaari gai

daftar-e-husn khole baiThe hain
'aashiqi rozgaar hai un kaa

kyaa huaa husn-e-jaavedaan ko tire
tu to mujh se bichhaD ke khush thi bahut

rumuz-e-vaqt ki pahli class mein bhi miraa
tamaam dhyaan thaa sarkaari naukri ki taraf

dhokaa khaane pe ro paDaa hogaa
ye koi 'ishq mein nayaa hogaa