taajir huun khushbuon kaa so 'ummaan' is liye — Ummaan Husain

baat aur bhi bigaDti hai nazrein churaane se
'ummaan' aaine mein bhi dekhaa karo kabhi

— Ummaan Husain

bahti havaa ne raat jo raundaa gulaab ko
gulshan mein baaghbaan pe ilzaam aa gayaa

— Ummaan Husain

saaqi sharaab Daal magar naap kar nahin
hoti hai sharmsaar mohabbat usuul se

— Ummaan Husain

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

baat vo aadhi raat ki raat vo puure chaand ki
chaand bhi ain chait kaa us pe tiraa jamaal bhi

— Parveen Shakir

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

— Nazeer Akbar Abadi

bahut hasin raat hai magar tum to so rahe ho
nikal ke kamre se ik nazar chaandni to dekho

— Shariq Kaifi