jise dekho ghazal pahne hue hai — Vikas Sharma Raaz

muddatein ho gaiin hisaab kiye
kyaa pataa kitne rah gae hain ham

iraada to nahin hai khud-kushi kaa
magar main zindagi se khush nahin huun

dekhnaa chaahtaa huun gum ho kar
kyaa koi DhunD ke laataa hai mujhe

asar hai ye hamaari dastakon kaa
jahaan divaar thi dar ho gayaa hai

kaun tahlil huaa hai mujh mein
muntashir kyuun hain anaasir mere

mujh ko aksar udaas karti hai
ek tasvir muskuraati hui