iraada to nahin hai khud-kushi kaa — Vikas Sharma Raaz

muddatein ho gaiin hisaab kiye
kyaa pataa kitne rah gae hain ham

dekhnaa chaahtaa huun gum ho kar
kyaa koi DhunD ke laataa hai mujhe

jise dekho ghazal pahne hue hai
bahut sastaa ye zevar gayaa hai

asar hai ye hamaari dastakon kaa
jahaan divaar thi dar ho gayaa hai

kaun tahlil huaa hai mujh mein
muntashir kyuun hain anaasir mere

mujh ko aksar udaas karti hai
ek tasvir muskuraati hui

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

apnaa baadal talaashne ke liye
umar bhar dhuup mein nahaae ham

vo mire paas se guzre to ye maalum huaa
zindagi yuun bhi dabe paanv guzar jaati hai

rahim o raam ki sumran hai shaikh o hindu ko
dil us ke naam ki raTnaa raTe hai kyaa kiije