mujh ko aksar udaas karti hai — Vikas Sharma Raaz

iraada to nahin hai khud-kushi kaa
magar main zindagi se khush nahin huun

dekhnaa chaahtaa huun gum ho kar
kyaa koi DhunD ke laataa hai mujhe

jise dekho ghazal pahne hue hai
bahut sastaa ye zevar gayaa hai

asar hai ye hamaari dastakon kaa
jahaan divaar thi dar ho gayaa hai

kaun tahlil huaa hai mujh mein
muntashir kyuun hain anaasir mere

muddatein ho gaiin hisaab kiye
kyaa pataa kitne rah gae hain ham

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ek tasvir huun gham ki jis par
muskuraane kaa gumaan hotaa hai

subh-e-kaazib ki havaa mein dard thaa kitnaa 'munir'
rail ki siiTi baji to dil lahu se bhar gayaa

sadaa paan khaa khaa ke nikle hai baahar
zamaane mein khun-khvaar paidaa huaa hai