log kahte rahe qarib hai vo — Zaki Kakorvi

yaad aae hain uff gunah kyaa kyaa
haath uThaae hain jab duaa ke liye

aql ne tark-e-taalluq ko ghanimat jaanaa
dil ko badle hue haalaat pe ronaa aayaa

tiri javaan umangon ko ho gayaa hai kyaa
Dari Dari si mohabbat mujhe pasand nahin

junun ke kaif-o-kam se aagahi tujh ko nahin naaseh
guzarti hai jo divaanon pe divaane samajhte hain

saaf kahiye ki pyaar karte hain
ye nigaahon kaa qaul-e-mubham kyaa

ye raat yunhi basar ho gai to kyaa hogaa
tire baghair sahar ho gai to kyaa hogaa