ye raat yunhi basar ho gai to kyaa hogaa — Zaki Kakorvi

aql ne tark-e-taalluq ko ghanimat jaanaa
dil ko badle hue haalaat pe ronaa aayaa

tiri javaan umangon ko ho gayaa hai kyaa
Dari Dari si mohabbat mujhe pasand nahin

junun ke kaif-o-kam se aagahi tujh ko nahin naaseh
guzarti hai jo divaanon pe divaane samajhte hain

log kahte rahe qarib hai vo
ham ne DhunDaa to duur duur na thaa

saaf kahiye ki pyaar karte hain
ye nigaahon kaa qaul-e-mubham kyaa

yaad aae hain uff gunah kyaa kyaa
haath uThaae hain jab duaa ke liye

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

roz ye khvaab Daraataa hai mujhe
koi saaya liye jaataa hai mujhe

main to shab-e-firaaq thaa tum ek umr thi
phir bhi ziyaada tum se guzaara gayaa mujhe

vo rang kaa hujum saa vo khushbuon ki bhiiD si
vo lafz lafz se javaan vo harf harf se hasin