aql ne tark-e-taalluq ko ghanimat jaanaa — Zaki Kakorvi

yaad aae hain uff gunah kyaa kyaa
haath uThaae hain jab duaa ke liye

tiri javaan umangon ko ho gayaa hai kyaa
Dari Dari si mohabbat mujhe pasand nahin

junun ke kaif-o-kam se aagahi tujh ko nahin naaseh
guzarti hai jo divaanon pe divaane samajhte hain

log kahte rahe qarib hai vo
ham ne DhunDaa to duur duur na thaa

saaf kahiye ki pyaar karte hain
ye nigaahon kaa qaul-e-mubham kyaa

ye raat yunhi basar ho gai to kyaa hogaa
tire baghair sahar ho gai to kyaa hogaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

qulzum-e-fikr mein hai kashti-e-imaan saalim
naa-khudaa husn hai aur ishq hai langar apnaa

shaam Dhale ye soch ke baiThe ham apni tasvir ke paas
saari ghazlein baiThi hongi apne apne miir ke paas

samajhtaa huun main agar sab alaamatein us ki
to phir vo meri tarah se hi sochtaa hogaa

fikr o ehsaas ke tapte hue manzar tak aa
mere lafzon mein utar kar mire andar tak aa