hamein bhi zarurat thi ik shakhs ki — Ziauddin Ahmad Shakeb

divaana-e-justuju ho gayaa chaand
baadal se gir ke kho gayaa chaand

isi tarah baatein kiye jaaiye
ye tarz-e-takallum bahut khuub hai

meri tajviz par khafaa kyuun ho
baat kuchh aql ke khilaaf nahin

paDti nahin hai dil pe tire husn ki kiran
kis samt mere chaand darakhshaan hai aaj-kal

aariz se tire subh ki tohmat na uThegi
zulfon pe tiri shaam kaa ilzaam rahegaa

mukhtasar baat-chit achchhi hai
lekin itnaa bhi ikhtisaar na kar