paDti nahin hai dil pe tire husn ki kiran — Ziauddin Ahmad Shakeb

divaana-e-justuju ho gayaa chaand
baadal se gir ke kho gayaa chaand

isi tarah baatein kiye jaaiye
ye tarz-e-takallum bahut khuub hai

meri tajviz par khafaa kyuun ho
baat kuchh aql ke khilaaf nahin

hamein bhi zarurat thi ik shakhs ki
ye husn-e-tasaadum bahut khuub hai

aariz se tire subh ki tohmat na uThegi
zulfon pe tiri shaam kaa ilzaam rahegaa

mukhtasar baat-chit achchhi hai
lekin itnaa bhi ikhtisaar na kar

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi