meri tajviz par khafaa kyuun ho — Ziauddin Ahmad Shakeb

divaana-e-justuju ho gayaa chaand
baadal se gir ke kho gayaa chaand

isi tarah baatein kiye jaaiye
ye tarz-e-takallum bahut khuub hai

hamein bhi zarurat thi ik shakhs ki
ye husn-e-tasaadum bahut khuub hai

paDti nahin hai dil pe tire husn ki kiran
kis samt mere chaand darakhshaan hai aaj-kal

aariz se tire subh ki tohmat na uThegi
zulfon pe tiri shaam kaa ilzaam rahegaa

mukhtasar baat-chit achchhi hai
lekin itnaa bhi ikhtisaar na kar

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gulaabon ke honTon pe lab rakh rahaa huun
use der tak sochnaa chaahtaa huun

maango samundaron se na saahil ki bhiik tum
haan fikr o fan ke vaaste gahraai maang lo

aankhon mein shab utar gai khvaabon kaa silsila rahaa
main khud ko dekhtaa rahaa main khud ko sochtaa rahaa

ye to sochaa hi na thaa yakh-basta lamhon kaa sukut
ek din TuTegaa aur sang-e-sadaa ho jaaegaa