Afzaal Naveed

khali hua gilas nasha sar men aa gaya
dariya utar gaya to samundar men aa gaya

havas ke naag ne din raat rakkha apne changul men
bahut khela hamare tan se Dasna rah gaya baaqi

ki jaise khud se mulaqat ho nahin paati
jahan se uTTha hua hai khamir khinchta huun

rakh liye rauzan-e-zindan pe parinde saare
jo na vaan rakhne the divan men rakh chhoDe hain

so jaati hai basti to makan pichhli gali men
tanha khaDa rahta hai makinon se nikal kar

sahar ki guunj se avaza-e-jamal hua
so jagta raha atraf ko jaga.e hue

kyaa jaane kis kaa haath mire haath aa gayaa
jis ki giraft chaahiye thi shal milaa mujhe

jang se jangal banaa jangal se main niklaa nahin
ho gayaa ojhal magar ojhal se main niklaa nahin

ayyaam ke ghubaar se niklaa to der tak
main raaston ko dhuul banaa dekhtaa rahaa

sahar ki guunj se aavaaza-e-jamaal huaa
so jaagtaa rahaa atraaf ko jagaae hue

darvaaze the kuchh aur bhi darvaaze ke pichhe
barson pe gai baat mahinon se nikal kar

rahti hai shab-o-roz mein baarish si tiri yaad
khvaabon mein utar jaati hain ghanghor si aankhein