rahti hai shab-o-roz mein baarish si tiri yaad — Afzaal Naveed

jang se jangal banaa jangal se main niklaa nahin
ho gayaa ojhal magar ojhal se main niklaa nahin

ayyaam ke ghubaar se niklaa to der tak
main raaston ko dhuul banaa dekhtaa rahaa

sahar ki guunj se aavaaza-e-jamaal huaa
so jaagtaa rahaa atraaf ko jagaae hue

darvaaze the kuchh aur bhi darvaaze ke pichhe
barson pe gai baat mahinon se nikal kar

kisi ko rashk aae kyuun na qismat par hamaari ab
ujaD aae hain har jaanib se basnaa rah gayaa baaqi

kyaa jaane kis kaa haath mire haath aa gayaa
jis ki giraft chaahiye thi shal milaa mujhe

mere khvaabon ke jharokon ko sajaate rahiye
na sahi vasl magar yaad to aate rahiye

kisi ki yaad manaane mein iid guzregi
so shahr-e-dil mein bahut duur tak udaasi hai

tu jafaaon se jo badnaam kiye jaataa hai
yaad aaegi tujhe meri vafaa mere baad

ye ilm kaa saudaa ye risaale ye kitaabein
ik shakhs ki yaadon ko bhulaane ke liye hain

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

bulbul ko baaghbaan se na sayyaad se gila
qismat mein qaid likkhi thi fasl-e-bahaar mein