Ahmad Alvi

alfaz ki ada.egi tarz-e-bayan siikh
karna agar hai ishq to urdu zaban siikh

do sagi bahnon ki do ganjon se shadi ho ga.i
aur ye be-zulf bhi ham-zulf kahlane lage

karenge ankh-maTakka vo kya paDosan se
jo log apni hi biivi ko Dar ke dekhte hain

mohabbaton men to kuchh bhi pata nahin lagta
bahut bura hai vo phir bhi bura nahin lagta

khuda ka shukr hai chakkar ka.i se hain apne
bas ek biivi pe dar-o-madar thoDi hai

suna ye hai bana karte hain joDe asmanon par
to ye samjhen ki har biivi bala-e-asmani hai

kareinge aankh-maTakkaa vo kyaa paDosan se
jo log apni hi biivi ko Dar ke dekhte hain

do sagi bahnon ki do ganjon se shaadi ho gai
aur ye be-zulf bhi ham-zulf kahlaane lage

is se pahle udhaar tu maange
main tiraa shahr chhoD jaaungaa

main hi tum ko phuTi aankh nahin bhaati
tum ne sab se pyaar ke pech laDaae hain

jab se makaan badal gaiin donon paDosanein
lagtaa nahin hai ji miraa ujDe dayaar mein

dil ko kisi ki yaad se khaali na kijiye
aaseb rahne lagte hain khaali makaan mein