main hi tum ko phuTi aankh nahin bhaati — Ahmad Alvi

kareinge aankh-maTakkaa vo kyaa paDosan se
jo log apni hi biivi ko Dar ke dekhte hain

do sagi bahnon ki do ganjon se shaadi ho gai
aur ye be-zulf bhi ham-zulf kahlaane lage

is se pahle udhaar tu maange
main tiraa shahr chhoD jaaungaa

jab se makaan badal gaiin donon paDosanein
lagtaa nahin hai ji miraa ujDe dayaar mein

khudaa kaa shukr hai chakkar kai se hain apne
bas ek biivi pe daar-o-madaar thoDi hai

dil ko kisi ki yaad se khaali na kijiye
aaseb rahne lagte hain khaali makaan mein

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ghussa aataa hai pyaar aataa hai
ghair ke ghar se yaar aataa hai

nabi sadqe kutub shah dil mein kiitaa
mohabbat haidar-e-karraar ehdaas

kis ne rokaa hai sar-e-raah-e-mohabbat tum ko
tumhein nafrat hai to nafrat se tum aao jaao

ham apni jaan ke dushman ko apni jaan kahte hain
mohabbat ki isi miTTi ko hindustaan kahte hain