ab ibaadat mein bhi aa jaate ho lab par mere — Ahtamam Sadiq

hadd-e-nazar tak ek dariche se aaj phir
main jaa rahaa thaa aur koi dekhtaa rahaa

ab apnaa intizaar rahegaa tamaam-umr
ik shakhs thaa jo mujh se judaa kar gayaa mujhe

musalsal sochte rahte hain tum ko
tumhein jiine ki aadat ho gai hai

so apne shahr ke raunaq ki khair maangnaa tum
main apne gaanv se ik shaam le ke aa rahaa huun

qasr-e-dil kuchh is qadar TuuTaa huaa hai ahtamaam
un ke bas ik lams bhar se khaak mein mil jaae gaa

vo shakhs yaadon kaa mujh ko ghulaam karte hue
gayaa bhi to miri nindein haraam karte hue

khair se dil ko tiri yaad se kuchh kaam to hai
vasl ki shab na sahi hijr kaa hangaam to hai

sahar hote hi jaise ret bhar jaati hai saanson mein
nasim-e-hijr tere zaaiqe achchhe nahin lagte

isi ummid par to ji rahe hain hijr ke maare
kabhi to rukh se uTThegi naqaab aahista aahista

miyaan ye ishq to sab TuuT kar hi karte hain
kisi se hijr agar vaalihaana ho jaae

ai hijr vaqt Tal nahin saktaa hai maut kaa
lekin ye dekhnaa hai ki miTTi kahaan ki hai

aaj na ham se puchhiye kaisaa kamaal ho gayaa
hijr ke khauf mein rahe aur visaal ho gayaa