Aitbar Sajid

ye barson ka ta'alluq toD dena chahte hain ham
ab apne aap ko bhi chhoD dena chahte hain ham

ham tire khvabon ki jannat se nikal kar aa ga.e
dekh tera qasr-e-ali-shan khali kar diya

tumhen jab kabhi milen fursaten mire dil se bojh utaar do
main bahut dinon se udaas huun mujhe koi shaam udhar do

meri poshak to pahchan nahin hai meri
dil men bhi jhank miri zahiri halat pe na ja

phir vahi lambi do-pahren-surma.i hain phir vahi dil ki halat hai
bahar kitna sannaTa hai andar kitni vahshat hai

kisi ko sal-e-nau ki kya mubarakbad di jaa.e
calender ke badalne se muqaddar kab badalta hai

abhi rail ke safar mein hain bahut nihaal donon
kahin rog ban na jaae yahi saath do ghaDi kaa

kisi ko saal-e-nau ki kyaa mubaarakbaad di jaae
calender ke badalne se muqaddar kab badaltaa hai

ab to khud apni zarurat bhi nahin hai ham ko
vo bhi din the ki kabhi teri zarurat ham the

ek hi shahr mein rahnaa hai magar milnaa nahin
dekhte hain ye aziyyat bhi gavaara kar ke

guftugu der se jaari hai natije ke baghair
ik nai baat nikal aati hai har baat ke saath

phuul the rang the lamhon ki sabaahat ham the
aise zinda the ki jiine ki alaamat ham the