Ajiz Matvi

jamhuriyat ka dars agar chahte hain aap
koi bhi saya-dar shajar dekh lijiye

main jin ko apna kahta huun kab vo mire kaam aate hain
ye saara sansar hai sapna sab jhuTe rishte-nate hain

mahv-e-hairat huun kharash-e-dast-e-gham ko dekh kar
zakhm chehre par hain ya hai a.ina TuuTa hua

ek ham hain ham ne kashti Daal di gardab men
ek tum ho Darte ho aate hue sahil ke paas

muntazir huun main kafan bandh ke sar se 'ajiz'
samne se koi khanjar nahin aaya ab tak

aghaz-e-mohabbat men 'ajiz' rukti na thi mauj-e-ashk-e-ravan
anjam ab in khushk ankhon se ik ashk nikalna mushkil hai

aaghaaz-e-mohabbat mein 'aajiz' rukti na thi mauj-e-ashk-e-ravaan
anjaam ab in khushk aankhon se ik ashk nikalnaa mushkil hai

mahv-e-hairat huun kharaash-e-dast-e-gham ko dekh kar
zakhm chehre par hain yaa hai aaina TuuTaa huaa

hasratein aa aa ke jama ho rahi hain dil ke paas
kaarvaan goyaa pahunchne vaalaa hai manzil ke paas

hotaa hai mahsus ye 'aajiz' shaayad us ne dastak di
tez havaa ke jhonke jab darvaaze se Takraate hain

muntazir huun main kafan baandh ke sar se 'aajiz'
saamne se koi khanjar nahin aayaa ab tak

insaan haadsaat se kitnaa qarib hai
tu bhi zaraa nikal ke kabhi apne ghar se dekh