mahv-e-hairat huun kharaash-e-dast-e-gham ko dekh kar — Ajiz Matvi

aaghaaz-e-mohabbat mein 'aajiz' rukti na thi mauj-e-ashk-e-ravaan
anjaam ab in khushk aankhon se ik ashk nikalnaa mushkil hai

hasratein aa aa ke jama ho rahi hain dil ke paas
kaarvaan goyaa pahunchne vaalaa hai manzil ke paas

hotaa hai mahsus ye 'aajiz' shaayad us ne dastak di
tez havaa ke jhonke jab darvaaze se Takraate hain

muntazir huun main kafan baandh ke sar se 'aajiz'
saamne se koi khanjar nahin aayaa ab tak

insaan haadsaat se kitnaa qarib hai
tu bhi zaraa nikal ke kabhi apne ghar se dekh

ek ham hain ham ne kashti Daal di gardaab mein
ek tum ho Darte ho aate hue saahil ke paas

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

sar se dayaar-e-gham ke sanichar utaar de
mangal hai jis mein jaa ke vo jangal uThaa to laa

rakhtaa hai talkh-kaam gham-e-lazzat-e-jahaan
kyaa kijiye ki lutf nahin kuchh gunaah kaa

ham hain to na rakkheinge itnaa tujhe afsurda
chal naghma-e-'naatiq' sun sahraa-e-junun nai laa