Alamtaab Tishna

pahle nisab-e-aql hua ham se intisab
phir yuun hua ki qatl bhi ham kar diye ga.e

is rah-e-mohabbat men tu saath agar hota
har gaam pe gul khilte khushbu ka safar hota

had ho ga.i thi ham se mohabbat men kufr ki
jaise khuda-na-khvasta vo la-sharik tha

visal-e-yar ki khvahish men aksar
charagh-e-sham se pahle jala huun

har daur men raha yahi a.in-e-munsifi
jo sar na jhuk sake vo qalam kar diye ga.e

main tujh ko chahun to aisa ki khud fana ho ja.un
mira vajud tira aa.ina dikha.i de

visaal-e-yaar ki khvaahish mein aksar
charaagh-e-shaam se pahle jalaa huun

nafrat bhi usi se hai parastish bhi usi ki
is dil saa koi ham ne to kaafar nahin dekhaa

ham apne ishq ki ab aur kyaa shahaadat dein
hamein hamaare raqibon ne mo'tabar jaanaa

har daur mein rahaa yahi aain-e-munsifi
jo sar na jhuk sake vo qalam kar diye gae

is raah-e-mohabbat mein tu saath agar hotaa
har gaam pe gul khilte khushbu kaa safar hotaa

tamaam umr ki divaangi ke baa'd khulaa
main teri zaat mein pinhaan thaa aur tu main thaa