visaal-e-yaar ki khvaahish mein aksar — Alamtaab Tishna

nafrat bhi usi se hai parastish bhi usi ki
is dil saa koi ham ne to kaafar nahin dekhaa

ham apne ishq ki ab aur kyaa shahaadat dein
hamein hamaare raqibon ne mo'tabar jaanaa

har daur mein rahaa yahi aain-e-munsifi
jo sar na jhuk sake vo qalam kar diye gae

is raah-e-mohabbat mein tu saath agar hotaa
har gaam pe gul khilte khushbu kaa safar hotaa

had ho gai thi ham se mohabbat mein kufr ki
jaise khudaa-na-khvaasta vo laa-sharik thaa

tamaam umr ki divaangi ke baa'd khulaa
main teri zaat mein pinhaan thaa aur tu main thaa

jab ki pahlu se yaar uThtaa hai
dard be-ikhtiyaar uThtaa hai

us ek lamhe mein ai dost saath saath hain ham
vo ek lamha jo imkaan mein nahin aayaa

huaa aavaara hindostaan se 'lutf' aage khudaa jaane
deccan ke saanvlon ne maaraa yaa inglan ke goron ne

zehn jab fikr ke hisaar mein thaa
dil kahaan apne ikhtiyaar mein thaa

ye soch kar bhi hans na sake ham shikasta-dil
yaaraan-e-gham-gusaar kaa dil TuuT jaaegaa

qalandari miri puchho ho dostaan-e-junun
har aastaan miri Thokar se jaanaa jaataa hai