Asim Nadeem Asi

tum un ke haat pe sikke nahin diye rakkho
ye andhe log hain aur raushni ke bhuke hain

koshish ka ik tavil safar tha aur us ke baa'd
paani ki ek buund se patthar bhi phaT ga.e

jhaaD kar ham ret apne paanv se
boTiyan chunte rahe sahraon se

jal raha hai jo lab-e-bam abhi ek charagh
bujh gaya ye bhi to phir raat mukammal hogi

tapte sahra khuun piyenge chaDhta suraj Dhal ja.ega
baiThi hui hai jis men sakina aaj vo khema jal ja.ega

main ne us had se guzarne ki bahut koshish ki
jis jagah rang se tasvir alag hoti hai

hamaaraa jism to phir jism Thahraa
daraaDein aib hain divaar mein bhi

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

zamin ke maalik-o-mukhtaar ki sunnat samajh kar
khaDaavein pahn liin aur bakriyaan rakkhi hui hain

tapte sahraa khuun piyeinge chaDhtaa suraj Dhal jaaegaa
baiThi hui hai jis mein sakina aaj vo khema jal jaaegaa

jal rahaa hai jo lab-e-baam abhi ek charaagh
bujh gayaa ye bhi to phir raat mukammal hogi

dost-daari ke saliqe se bahut vaaqif huun
ab mujhe haath milaane kaa hunar aataa hai