hamaaraa jism to phir jism Thahraa — Asim Nadeem Asi

dost-daari ke saliqe se bahut vaaqif huun
ab mujhe haath milaane kaa hunar aataa hai

jal rahaa hai jo lab-e-baam abhi ek charaagh
bujh gayaa ye bhi to phir raat mukammal hogi

tapte sahraa khuun piyeinge chaDhtaa suraj Dhal jaaegaa
baiThi hui hai jis mein sakina aaj vo khema jal jaaegaa

zamin ke maalik-o-mukhtaar ki sunnat samajh kar
khaDaavein pahn liin aur bakriyaan rakkhi hui hain

hamaari kaarobaari zindagi kaa kul asaasa
ye kuchh sikke hain aur kuchh parchiyaan rakkhi hui hain

husain aaj bhi qaaem hai apni surat par
yazid chehre badaltaa hai har zamaane mein

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe