Faza Ibn E Faizi

ankhon ke khvab dil ki javani bhi le gaya
vo apne saath meri kahani bhi le gaya

kisi lamhe to khud se la-ta.alluq bhi raho logo
masa.il kam nahin phir zindagi bhar sochte rahna

log mujh ko mire ahang se pahchan ga.e
kaun badnam raha shahr-e-sukhan men aisa

ye tamasha didani Thahra magar dekhega kaun
ho ga.e ham raakh to dast-e-dua raushan hua

ghazal ke parde men be-parda khvahishen likhna
na aaya ham ko barahana guzarishen likhna

jala hai shahr to kya kuchh na kuchh to hai mahfuz
kahin ghubar kahin raushni salamat hai

vaqt ne kis aag mein itnaa jalaayaa hai mujhe
jis qadar raushan thaa main us se sivaa raushan huaa

har ik qayaas haqiqat se dur-tar niklaa
kitaab kaa na koi dars mo'tabar niklaa

kisi lamhe to khud se laa-taalluq bhi raho logo
masaail kam nahin phir zindagi bhar sochte rahnaa

khaak-e-'shibli' se khamir apnaa bhi uTThaa hai 'fazaa'
naam urdu kaa huaa hai isi ghar se unchaa

shab-gazida ko tire is ki khabar hi kab thi
din jo aaegaa gham-e-laa-mutanaahi degaa

palkon par apni kaun mujhe ab sajaaegaa
main huun vo rang jo tire paikar se kaT gayaa