shab-gazida ko tire is ki khabar hi kab thi — Faza Ibn E Faizi

vaqt ne kis aag mein itnaa jalaayaa hai mujhe
jis qadar raushan thaa main us se sivaa raushan huaa

har ik qayaas haqiqat se dur-tar niklaa
kitaab kaa na koi dars mo'tabar niklaa

kisi lamhe to khud se laa-taalluq bhi raho logo
masaail kam nahin phir zindagi bhar sochte rahnaa

khaak-e-'shibli' se khamir apnaa bhi uTThaa hai 'fazaa'
naam urdu kaa huaa hai isi ghar se unchaa

kis tarah umr ko jaate dekhun
vaqt ko aankhon se ojhal kar de

palkon par apni kaun mujhe ab sajaaegaa
main huun vo rang jo tire paikar se kaT gayaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

bahut milaa na milaa zindagi se gham kyaa hai
mataa-e-dard baham hai to besh-o-kam kyaa hai

sajaao bazm ghazal gaao jaam taaza karo
''bahut sahi gham-e-giti sharaab kam kyaa hai''

suukh gai jab aankhon mein pyaar ki niili jhiil 'qatil'
tere dard kaa zard samundar kaahe shor machaaegaa