Javed Lakhnvi

ye ik bose pe itni bahs ye zeba nahin tum ko
nahin hai yaad mujh ko khair achchha le liya hoga

hai dilon ka vahi jo dana-e-tasbih ka haal
yuun mile hain pa hain dar-asl juda ek se ek

un ko to sahl hai vo ghair ke ghar ja.enge
ham jo us dar se uThenge to kidhar ja.enge

jis jagah jaa.en bana len tire vahshi sahra
khaak le aa.e hain muTThi men bayabanon ki

abhi to aag siine men kahin kam hai kahin zaa.id
agar mil pa.enge aapas men sab chhale to kya hoga

surat na yuun dikha.e unhen baar baar chand
paida kare hasinon men kuchh e'tibar chand

tum diye jaao yunhi ham ko havaa daaman ki
ham se behosh nahin hosh mein aane vaale

khaak uD ke hamaari tire kuche mein pahunchti
taqdir thi ye bhi ki havaa bhi na chali aaj

kahin aisaa na ho mar jaaun main hasrat hi hasrat mein
jo lenaa ho to le lo sab se pahle imtihaan meraa

shab-e-vasl kyaa jaane kyaa yaad aayaa
vo kuchh aap hi aap sharmaa rahe hain

tum paas jo aae kho gae ham
jab tum na mile to justuju ki

surat na yuun dikhaae unhein baar baar chaand
paidaa kare hasinon mein kuchh e'tibaar chaand