shab-e-vasl kyaa jaane kyaa yaad aayaa — Javed Lakhnvi

tum diye jaao yunhi ham ko havaa daaman ki
ham se behosh nahin hosh mein aane vaale

khaak uD ke hamaari tire kuche mein pahunchti
taqdir thi ye bhi ki havaa bhi na chali aaj

kahin aisaa na ho mar jaaun main hasrat hi hasrat mein
jo lenaa ho to le lo sab se pahle imtihaan meraa

tum paas jo aae kho gae ham
jab tum na mile to justuju ki

tumhein hai nashsha javaani kaa ham mein ghaflat-e-ishq
na ikhtiyaar mein tum ho na ikhtiyaar mein ham

surat na yuun dikhaae unhein baar baar chaand
paidaa kare hasinon mein kuchh e'tibaar chaand

mere khvaabon ke jharokon ko sajaate rahiye
na sahi vasl magar yaad to aate rahiye

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

main agar TuuTaa to saaraa shahr bikhregaa 'nabil'
aisaa patthar huun fasil-e-shahr ki buniyaad kaa

ik bosa maangtaa huun main khairaat-e-husn ki
do maal ki zakaat ki daulat ziyaada ho

tamaam yaadein mahak rahi hain har ek ghuncha khilaa huaa hai
zamaana biitaa magar gumaan hai ki aaj hi vo judaa huaa hai

main tinke chuntaa phirtaa huun sayyaad tiliyaan
tayyaar ho rahaa hai qafas aashiyaan ke saath