Joshish Azimabadi

jo tire samne aa.e hain so kam Thahre hain
ye hamara hi kaleja hai ki ham Thahre hain

zulf aur rukh ki parastish shart hai
kufr ho ai shaikh ya islam ho

khar-zar-e-ishq ko kya ho gaya
paanv men kanTe chubhota hi nahin

aisi mire khazana-e-dil men bhari hai aag
favvara chhuTta hai mizha se sharar ka

gulzar-e-mohabbat men na phule na phale ham
manind-e-chinar aag men apni hi jale ham

kufr par mat ta.an kar ai shaikh mere ru-ba-ru
mujh ko hai ma.alum kaifiyyat tire islam ki

allaah taa-qayaamat tujh ko rakhe salaamat
kyaa kyaa sitam na dekhe ham ne tire karam se

tujh se ham-bazm hon nasib kahaan
tu kahaan aur main gharib kahaan

zaahid na rahne paaeinge aabaad mai-kade
jab tak na Dhaaiyegaa tiri khaanqaah ko

vo maah bhar ke jaam-e-mai-naab le gayaa
ik dam mein aaftaab ko mahtaab le gayaa

ai zulf-e-yaar tujh se bhi aashufta-tar huun main
mujh saa na koi hogaa pareshaan-e-rozgaar

chashm-e-vahdat se gar koi dekhe
but-parasti bhi haq-parasti hai