ai zulf-e-yaar tujh se bhi aashufta-tar huun main — Joshish Azimabadi

allaah taa-qayaamat tujh ko rakhe salaamat
kyaa kyaa sitam na dekhe ham ne tire karam se

tujh se ham-bazm hon nasib kahaan
tu kahaan aur main gharib kahaan

zaahid na rahne paaeinge aabaad mai-kade
jab tak na Dhaaiyegaa tiri khaanqaah ko

vo maah bhar ke jaam-e-mai-naab le gayaa
ik dam mein aaftaab ko mahtaab le gayaa

gulzaar-e-mohabbat mein na phule na phale ham
maanind-e-chinaar aag mein apni hi jale ham

chashm-e-vahdat se gar koi dekhe
but-parasti bhi haq-parasti hai

jab ki pahlu se yaar uThtaa hai
dard be-ikhtiyaar uThtaa hai

khud apne gham hi se ki pahle dosti ham ne
aur us ke baa'd gham-e-dostaan ko pahchaanaa

mumkin hai ashk ban ke rahun chashm-e-yaar mein
mumkin hai bhuul jaae gham-e-rozgaar mein

kuchh vaqt apne saath guzaarungaa main 'zamir'
khud se agar milaa jo kabhi ku-e-yaar mein

dekh saktaa huun binaa chashme ke main
dost teri bevafaai saaf saaf

miri har baat pas-manzar se kyuun mansub hoti hai
mujhe aavaaz si aati hai kyuun ujDe dayaaron se