zaahid na rahne paaeinge aabaad mai-kade — Joshish Azimabadi

allaah taa-qayaamat tujh ko rakhe salaamat
kyaa kyaa sitam na dekhe ham ne tire karam se

tujh se ham-bazm hon nasib kahaan
tu kahaan aur main gharib kahaan

vo maah bhar ke jaam-e-mai-naab le gayaa
ik dam mein aaftaab ko mahtaab le gayaa

ai zulf-e-yaar tujh se bhi aashufta-tar huun main
mujh saa na koi hogaa pareshaan-e-rozgaar

gulzaar-e-mohabbat mein na phule na phale ham
maanind-e-chinaar aag mein apni hi jale ham

chashm-e-vahdat se gar koi dekhe
but-parasti bhi haq-parasti hai

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

agar khamosh rahun main to tu hi sab kuchh hai
jo kuchh kahaa to tiraa husn ho gayaa mahdud

kuchh to apne liye bhi rakhnaa hai
zakhm auron ko kyuun dikhaaein sab

imaan o diin se 'taabaan' kuchh kaam nahin hai ham ko
saaqi ho aur mai ho duniyaa ho aur ham hon

log kaanTon se bach ke chalte hain
main ne phulon se zakhm khaae hain