Meer Anees

ashiq ko dekhte hain dupaTTe ko taan kar
dete hain ham ko sharbat-e-didar chhan kar

siva.e khaak ke baaqi asar nishan se na the
zamin se dab ga.e dabte jo asman se na the

khaak se hai khaak ko ulfat taDapta huun 'anis'
karbala ke vaste main karbala mere liye

karim jo tujhe dena hai be-talab de de
faqir huun pa nahin adat-e-saval mujhe

tamam umr jo ki ham se be-rukhi sab ne
kafan men ham bhi azizon se munh chhupa ke chale

ashk-e-gham dida-e-pur-nam se sambhale na ga.e
ye vo bachche hain jo maan baap se paale na ga.e

khaak se hai khaak ko ulfat taDaptaa huun 'anis'
karbalaa ke vaaste main karbalaa mere liye

'anis' dam kaa bharosaa nahin Thahar jaao
charaagh le ke kahaan saamne havaa ke chale

aashiq ko dekhte hain dupaTTe ko taan kar
dete hain ham ko sharbat-e-didaar chhaan kar

tamaam umr jo ki ham se be-rukhi sab ne
kafan mein ham bhi azizon se munh chhupaa ke chale

'anis' aasaan nahin aabaad karnaa ghar mohabbat kaa
ye un kaa kaam hai jo zindagi barbaad karte hain

sivaae khaak ke baaqi asar nishaan se na the
zamin se dab gae dabte jo aasmaan se na the